ჩვენი წარმოდგენები სამყაროზე და მასში ჩვენს ადგილზე მეოცე საუკუნის დასაწყისში მნიშვნელოვნად შეიცვალა. ჩვენ გავიგეთ, რომ მზის სისტემა სხვა მრავალ სისტემასთან ერთად გალაქტიკაშია თავმოყრილი და რომ სამყარო ფართოვდება. ჩვენ შევქმენით მეცნიერული მოდელი, რომელიც დიდი სიზუსტით ხსნის სამყაროზე არსებულ დაკვირვებებს. იმას, თუ როგორ განვითარდა ის ადრეული ცხელი და მკვრივი მდოგომარეობიდან გალაქტიკების იმ ბადემდე, რომელსაც დღეს ვხედავთ.
მიუხედავად ბევრი წარმატებისა ამ მოდელმა მრავალი ფუნდამენტური კითხვა გააჩინა. აქედან ორი ეხება სამყაროს შემადგენლობას. როგორც აღმოჩნდა, ჩვეულებრივი ნივთიერება სამყაროს მხოლოდ 5 პროცენტს შეადგენს, 27 პროცენტი ფარული ნივთიერებაა, რომლის არსებობაც მისი გრავიტაციული ეფექტების მეშვეობით ვიცით, ხოლო 68 პროცენტი ფარული ენერგიაა, რომელიც სამყაროს აჩქარებულ გაფართოებაზეა პასუხისმგებელი.
DESI ექსპერიმენტის მთავარი მიზანია, შეისწავლოს ფარული ენერგიის ბუნება ბოლო 11 მილიარდი წლის განმავლობაში სამყაროს გაფართოების ისტორიის დიდი სიზუსტით გაზომვის მეშვეობით. ამ მიზნის მისაღწევად DESI გაზომავს 40-მდე მილიონი გალაქტიკის ცაზე განლაგებას და მათ სიჩქარეებს. ეს გალაქტიკები შერჩეულია მაღალი გარჩევადობის ფოტოებიდან რომლებიც DESI-ს დაწყებამდე რამდენიმე ექსპერიმენტის დროს გადაიღეს.
კოსმოლოგია და ფარული ენერგია »
ჩვენ გვინდა მადლობა გადავუხადოთ შემდეგს DESI სამეცნიერო გვერდების თარგმანების მოწოდებისთვის:
- ესპანური: ალმა გონსალესი, ხორხე სერვანტესი და ლუის ურენია
- ფრანგული: პოლინ ზარუქი და სათია გონჩო ა გონჩო
- კორეული: დავით პარკინსონი, ოკბო ლი, ჰი-ჯონგ სეო, ჰო სეონგ ჰუანგი და მინჯი ო
- ჩინური (გამარტივებული): ჯინიი იანგი და დუან იუტონგი
- ქართული: ლადო სამუშია და ნინო ჭანკვეტაძე
- პორტუგალიური (ბრაზილიური): ფილიპე ანდრადე-ოლივერა და ანდერსონ სოუზა
- გერმანული: სამუელ ბრიდენი, ბორის გენსიკე, მიხაელ შუბნელი და იოჰანეს ლანჯი
- კატალონიელები: მარკ მანერა, ანდრეა მუნიოზი
- იტალიური: Antonella Palmese, Chiara Circosta
- უკრაინული: Sam Moore
